كفرالزيات
اهلا وسهلا بكم في منتديات كفرالزيات ونورتونا وانشاء الله دايما تزورونا


موقع ومنتديات كفرالزيات ترحب بكم
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 عزومات رمضان فن وتكتيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام يحيى
المديرة العامة
المديرة العامة
avatar



عدد المساهمات : 80
نقاط : 2782
تاريخ التسجيل : 22/11/2010

مُساهمةموضوع: عزومات رمضان فن وتكتيك   الثلاثاء يناير 25, 2011 8:03 am

بسم الله الرحمن الرحيم

عزومات رمضان "فـــــــــــن وتـــكتــيـــك"


[ندعوك للتسجيل في المنتدى أو التعريف بنفسك لمعاينة هذا الرابط]
كل سنة وإنتِ طيبة....


طبعا رمضان شهر كله خير وبركة وكله عزومات وولائم في منتهى الجمال...

وطبعا كل يوم والتاني عندك عزومة شكل وأكيد قبل العزومة بتبقي محتارة مش عارفة تعملي إيه وتقدمي إيه ونفسك تقدمي أحلى حاجة عندك...

ونفسك كمان تخلصي الأكل بدري قبل أذان المغرب على الأقل بساعتين علشان تغيري هدومك وتستقبلي المعزومين..

ما هو مش معقول الضيوف ييجوا يلاقوكِ قاعدة لسه في المطبخ بتطلعي حاجات من الفرن وبتدخلي حاجات تانية....

مش كده ولا إيه؟؟؟؟ [ندعوك للتسجيل في المنتدى أو التعريف بنفسك لمعاينة هذا الرابط]

طبعا هتسألي نفسك دلوقتي وتقولي ازاي كل ده يحصل؟

ده أنا لما بيكون عندي عزومة باصحى من الفجر وبافضل طول النهار قاعدة في المطبخ ويادوب باخلص الأكل ساعة الأذان

وعلشان تباني قدام ضيوفك ست بيت من الدرجة الأولى

هقولك دلوقتي على طريقة سهلة جدا للاستعداد لعزومات رمضان... [ندعوك للتسجيل في المنتدى أو التعريف بنفسك لمعاينة هذا الرابط]

يلاّ نشوف مع بعض :



[ندعوك للتسجيل في المنتدى أو التعريف بنفسك لمعاينة هذا الرابط]



أولا

" اقعدي مع نفسك "



شوفي يا ستي الاستعداد للعزومة بيكون قبلها بيومين بإنك بتقعدي مع نفسك كده وتشوفي عدد المعزومين قد إيه؟؟؟

وعلى الأساس ده بتحددي كمية الأكل اللي إنتِ هتعمليها

وخدي بالك إن لو كان عدد المعزومين قليل يعني مثلا 3 أفراد هيبقى عدد الأصناف قليل ومحدود...


لكن لو عدد المعزومين كبير هيبقى فيه تنوع في الأصناف المقدمة وده علشان ترضي جميع الأذواق...



[ندعوك للتسجيل في المنتدى أو التعريف بنفسك لمعاينة هذا الرابط]



ثانياً

" هاتي ورقة وقلم "


[ندعوك للتسجيل في المنتدى أو التعريف بنفسك لمعاينة هذا الرابط]


بعد ما حددتي عدد المدعوين للعزومة هاتي ورقة وقلم واكتبي قائمة بالأصناف اللي المفروض تكون موجودة على السفرة..

ودي نسخة من القائمة اللي ممكن إنك تعمليها في أي عزومة..

• أولا السلطات:


[ندعوك للتسجيل في المنتدى أو التعريف بنفسك لمعاينة هذا الرابط]


شوفي يا ستي المفروض يكون عندك على السفرة في أي عزومة نوعين من السلطات وليكن مثلا طبق سلطة طحينة وطبق سلطة خضراء.


• ثانيا الشوربة:

[ندعوك للتسجيل في المنتدى أو التعريف بنفسك لمعاينة هذا الرابط]


كفاية قوي في عزومة رمضان وجود نوع واحد من الشوربة خاصة كمان لو كان عدد المعزومين مش كبير.

• ثالثا اللحوم:

[ندعوك للتسجيل في المنتدى أو التعريف بنفسك لمعاينة هذا الرابط]


طبق اللحوم ده بيعتبر من الأطباق الرئيسية على السفرة علشان كده لازم يكون على السفرة في أي عزومة نوعين من اللحوم وليكن مثلا طبق بوفتيك لحمة وطبق فراخ مشوية.

• رابعا النشويات:

[ندعوك للتسجيل في المنتدى أو التعريف بنفسك لمعاينة هذا الرابط]


النشويات زي الرز أو المكرونة أو الرقاق أو المحشي وخدي بالك إن المفروض يكون على السفرة نوع واحد من النشويات.. يعني إما مكرونة أو رز، مش معقول الاتنين.

• خامسا الخضار:

[ندعوك للتسجيل في المنتدى أو التعريف بنفسك لمعاينة هذا الرابط]



كفاية قوي صنف واحد من الخضار على السفرة خاصة إن الإقبال على الخضار بيكون مش كبير قوي في العزومات.

• سادسا الحلويات:

[ندعوك للتسجيل في المنتدى أو التعريف بنفسك لمعاينة هذا الرابط]



أكيد لو عندك عزومة هتقضي وقت كبير جدا في عمل الأكل علشان كده اختاري الحلويات السهلة في التحضير أو اختاري الأصناف اللي ممكن إنك تعمليها قبلها بيوم...

زي البسبوسة أو أي نوع من الحلويات اللي بتتقدم باردة زي الآيس كريم..



[ندعوك للتسجيل في المنتدى أو التعريف بنفسك لمعاينة هذا الرابط]



ثالثا

" التحضير الفعلي للعزومة "


بعد ما جهزت قائمة بالأصناف اللي إنتِ ناوية تعمليها في العزومة عليكِ ببدء التحضير الفعلي للعزومة وخدي بالك إنك تحضري ده قبلها بيوم.

طبعا هتسألي نفسك دلوقتي وتقولي ازاي أحضر الأكل قبلها بيوم، كده الأكل يبوظ خاصة إن الجو حر...

شوفي يا ستي.. دي الحاجات اللي ممكن إنك تعمليها قبل العزومة بيوم:

1- العصائر ممكن إنك تعمليها وتحطيها في كوباية العصير وتحطيها في التلاجة أو تحطيها في أكياس

وتحطيها في الفريزر وتطلعيها قبل المغرب بخمس ساعات.

[ندعوك للتسجيل في المنتدى أو التعريف بنفسك لمعاينة هذا الرابط]


2- جهزي أدوات المطبخ بتاعتك زي "الصواني والأطباق والكوبايات والكاسات" واتأكدي من نظافتها بحيث إنها تكون جاهزة على الاستعمال.

[ندعوك للتسجيل في المنتدى أو التعريف بنفسك لمعاينة هذا الرابط]


3- لو هتعملي محشي ممكن إنك تجهزيه وتلفيه وتحطيه في التلاجة بحيث يكون جاهز على التسوية يوم العزومة.

[ندعوك للتسجيل في المنتدى أو التعريف بنفسك لمعاينة هذا الرابط]



4- لو هتقدمي في العزومة لحمة أو فراخ مشوية ممكن أنك تتبليهم ببصل قبل العزومة بيوم وتحطيهم في وعاء بلاستيك

وتسيبيهم في التلاجة بحيث يكونوا جاهزين على الشواء يوم العزومة.

5- لو هتعملي مكرونة بالبشاميل أو جلاش باللحمة المفرومة يبقى ياريت إنك تعصجي اللحمة قبلها بيوم.


6- الحلويات ممكن إنك تعمليها قبل العزومة بيوم وتحطيها في التلاجة ومن الحلويات اللي ممكن إنك تعمليها الآيس كريم والبسبوسة والبقلاوة..

وخدي بالك إنك تغطي صينية البسبوسة أو البقلاوة كويس.



[ندعوك للتسجيل في المنتدى أو التعريف بنفسك لمعاينة هذا الرابط]



رابعا


" يوم العزومة نفسه "



أكيد لو جهزتِ الحاجات دي زي ما قلنا ليكِ هتقومي يوم العزومة أعصابك مستريحة جدا

وهتبدئي في إنك تخرجي الحاجات اللي إنتِ جهزتيها من التلاجة وتسويها

وفي الوقت اللي الحاجة فيه بتستوي ممكن إنك تعملي السلطة.....


وخدي بالك إنك تحطي الأكل اللي هيستوي بدري في أواني حرارية علشان يفضل محتفظ بسخونته...

وبكده فعلا هتخلصي كل حاجة قبل أذان المغرب بساعتين وهتقدري تستقبلي ضيوفك وإنتِ أعصابك مستريحة قوي..


وما تنسيش نيتك فى كل عزومة..إفطار الصائم ثوابه كبير أوى ..وتفكرى الماما بالنية لو انتى مش شاطرة !

وكل سنة وانتى وضيوفك طيبين

تم بحمد الله....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عزومات رمضان فن وتكتيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كفرالزيات :: المنتدى المفتوح :: منتدى حواء :: مطبخ كفرالزيات-
انتقل الى: