دجـاج كنتــاكــى بس بيتــــى

بسم الله الرحمن الرحيم


الفراخ المقرمشة الكل بيحبها " يعنى مش الكل قوى "
لكن انا مش بحب اكـل المطـاعم لعدم ثـقتى فى جـودته " وشكله مش دليل "

دى طريقة الفراخ المقرمشـة اعمليها فى البيت ومضمونة كمـان وعن تجربة أحـلى بكتيــر

المقــاديـر :

1 كيلو وراكـ فراخ - او فرخة كاملة مقطعة 6 قطع
" الطريقة الاصلية بجلد الفراخ
لكن أفضـل نزع الجـلد لانه غير صحى ومليئ بالهرمونات "
+ دقيق + بقسماط مطحون ولكن مش ناعم + 2 بيضة مخفوقة + نصف كوب لبن
ملح وفلفل


[ندعوك للتسجيل في المنتدى أو التعريف بنفسك لمعاينة هذا الرابط]


الطريـقة :

نسلق الفراخ
" السلق مهم جدا عشان تستوى الفراخ كويس من الداخل عند التحمير
ومش مهم السلق لحد ما تستوى "

نضع البيض المخفوق على اللبن ونخلطهم كويس جدا
ونصع الملح والفلفل الاسود عليهم

نخلط كمية الدقيق مع البقسماط لكن كمية البقسماط ضعف الدقيق

نغمس قطعة الفراخ فى البيض ثم فى مخلوط الدقيق والبقسماط
ونضغط باليد عليها حتى تتمسكـ بها

يفضل تركها فى الثلاجة كام ساعة

بعد كدة تتقلى فى نار متوسطة

[ندعوك للتسجيل في المنتدى أو التعريف بنفسك لمعاينة هذا الرابط]



بالهـنا والشــفا


تم بحمد الله....